ប៉ៃលិន៖ សមត្ថកិច្ចខេត្តប៉ៃលិនកាលពីថ្ងៃទី៩ ខែតុលា បានឃាត់ខ្លួនក្មេងទំនើង៥នាក់ ដែលបានប្រើប្រាស់ហិង្សាកាប់លើក្បាលយុវជនម្នាក់ឱ្យរបួសធ្ងន់ដេរអស់ជាង២០ថ្នេរ។
សមត្ថកិច្ចបានឱ្យដឹងថាក្មេងទំនើងទាំង៥នាក់នោះមានអាយុពី១៤ ដល់១៥ឆ្នាំ រស់នៅសង្កាត់ប៉ៃលិន បានយកកាំបិតកាប់ទៅលើក្បាលផ្នែកខាងក្រោយយុវជនម្នាក់អាយុ១៦ឆ្នាំដោយមិនដឹងមូលហេតុ នៅសង្កាត់ទួលល្វា ក្រុងប៉ៃលិន ដែលធ្វើឱ្យរងរបួសក្បាលខាងក្រោយធ្ងន់ធ្ងរដេរអស់ជាង២០ថ្នេរ និងត្រូវដៃដេរអស់៥ថ្នេរថែមទៀតកាលពីថ្ងៃទី៦ ខែតុលា កន្លងទៅ។
បច្ចុប្បន្ន ជនសង្ស័យចំនួន០៣នាក់ក្នុងចំណោម៥នាក់ដែលពាក់ព័ន្ធករណីហិង្សាខាងលើត្រូវបានឃាត់ខ្លួននៅអធិការដ្ឋានក្រុងប៉ៃលិន ដើម្បីអនុវត្តនីតិវិធីបន្ត ចំណែកយុវជនពីរនាក់ទៀតត្រូវបានសមត្ថកិច្ចរកឃើញថាមិនបានពាក់ព័ន្ធនឹងហិង្សានេះនឹងបានធ្វើការអប់រំណែនាំអនុញ្ញាតឱ្យអាណាព្យាបាលធានាយកត្រលប់ទៅផ្ទះវិញ៕
ព័ត៌មានជាច្រើនទៀតសម្រាប់អ្នក
